• Sunrise At: 5:12 AM
  • Sunset At: 6:40 PM
info@example.com +(00) 123-345-11

அஃலூஸ் ஸுன்னாஹ் வல் ஜமாஅஹ் என்போர் யார் ??

அஷ்அரீ அகீதாதான் உலகெங்கிலும் வாழும் பெரும்பாலான முஸ்லிம்களது கொள்கைக் கோட்பாடு என்பது பற்றிய விளக்கம்
பகுதி -01

الحمد لله رب العاملين وصلى الله وسلم على النبي وعلى آله وصحبه أما بعد فقال الله تعالى : ﴿يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ)

وقال رسول الله صلى الله عليه وسلم (( خير القرون قرني ثم الذين يلونهم ثم الذين يلونهم ثم يفشو الكذب ألا لا يخلون رجل بامرأة إلا كان ثالثهما الشيطان فمن أراد بحبوحة الجنة فليلزم الجماعة)).

மேற்குறித்த ஹதீஸின் தெளிவுரையின் படி, ஹிஜ்ரத் நடைபெற்றதிலிருந்து ஆரம்பித்து முதல் 100 ஆண்டுகளில் வாழ்ந்தோரே பின் வரும் இந்த உம்மத் அனைவரையும் விட மிக சிறப்புக்குரியவர்களாகும்.

அதனைத் தொடர்ந்து, அந்த 100 ஆண்டுகளை அடுத்து வந்த 100 ஆண்டுகளாகும். அதாவது தாபியீன்களது நூற்றாண்டாகும். அதனைத் தொடர்ந்து அதனை அடுத்து வந்த 100 ஆண்டுகளாகும். அது தபஉத் தாபியீன்களது காலமாகும். இந்த மூன்று நூற்றாண்டுகளில் வாழ்ந்தவர்களே இந்த உம்மத்தின் மேன்மைக்குரியவர்களாகும்.

இதில் முதல் நூற்றாண்டென்பது, ஸஹாபாக்கள் வாழ்ந்த நூற்றாண்டாகும். இவர்கள் வாழ்ந்த இந்தக் காலப்பகுதியிலே அனைத்து ஸஹாபாக்களும் கொள்கை கோட்பாடுகளில் அழ்ழாஹ்வின் இறுதித் தூதர் முஹம்மத் அவர்களிடமிருந்து எதைக் கற்றுக் கொண்டார்களோ அதே கோட்பாடுகளிலேயே நிலைத்திருந்தனர். அவர்களிடையே ஈமான் ரீதியான எந்தக் குழப்பமும், கருத்து வேற்றுமையும் காணப்படவில்லை.

பின்பு அலீ றழியழ்ழாஹு அன்ஹு அவர்களின் ஆட்சிக் காலத்திலேயே கொள்கைக் கோட்பாடுகள் ரீதியான மோசமான சிந்தனை கொண்டோராகிய ஷீயாக்கள், கவாரிஜ்கள் தோன்றினர்.

ஹிஜ்ரி மூன்றாம் நூற்றாண்டின் காலப்பகுதியானது, அல்-குர்ஆன்,அல்-ஹதீஸுக்கு முரண்படும் சிந்தனைகளைக் கொண்ட பல பிரிவுகள் தோன்றிய காலப்பகுதியாகும்.

இந்நூற்றாண்டின் இறுதிப் பகுதியில் இரு பெரும் இமாம்களை அழ்ழாஹ் ஏற்படுத்தி, சத்தியக் கொள்கையை பாதுகாக்கச் செய்தான். அவ்விருவரில் ஒருவர் இமாம் அபுல் ஹஸன் அல்-அஷ்அரீ றஹிமஹுழ்ழாஹ் அவர்களாகும். ஹிஜ்ரி 260 இல் பிறந்த இவர்கள் அறபி ஒருவராகும். இவர்கள் சிறப்புமிகு ஸஹாபியான அபூ மூஸா அல்-அஷ்அரி றழியழ்ழாஹு அன்ஹு அவர்களின் வரிசைமிகு வம்சாவழியைச் சேர்ந்தவர்களுமாகும்.

மற்றொருவர் இமாம் அபூ மன்ஸுர் அல் மாதுரீதி றஹிமஹுழ்ழாஹ் அவர்களாகும்.
இவர்கள் பாரசீக பிரதேசத்தை பிறப்பிடமாகக் கொண்ட அஜமி ஒருவராகும்.

இந்த இரு பெரும் இமாம்களே அஹ்லுஸ்ஸுன்னஹ் வல் ஜமாஅஹ்வின்
அனைத்து கொள்கைக் கோட்பாடுகளையும் அல்-குர்ஆன், அல்-குர்ஆன்,அல் ஹதீஸின் ஆதார அடிப்படையிலும், பகுத்தறிவு ரீதியான ஆதார அடிப்படையிலும் உறுதிப்படுத்தி,
நபிகளாரின் கொள்கையை மிகத் தெளிவாக
முன்வைத்தவர்களாகும்.

அத்தோடு அஹ்லுஸ்ஸுன்னஹ் வல் ஜமாஅத்தினருக்கு மாறுபட்ட கொள்கை கொண்ட முஃதஸிலா’ மற்றும் முஷப்பிஹா’ போன்ற இன்னும் பல குழப்பவாதிகளுக்கு மறுப்புகளையும் வழங்கி இஸ்லாமிய தூய கொள்கைக் கோட்பாடுகளை பாதுகாக்க அடித்தளமிட்டவர்களுமாகும்.

இந்த இரு இமாம்களைத் தொடர்ந்து வந்த
அஹ்லுஸ்ஸுன்னஹ் வல் ஜமாஅத்தினர் அனைவரும் இவ்விருவரையும் சார்ந்தோராகவே இருந்தனர். அதாவது இவ்விருவரும், இஸ்லாமிய கொள்கைக் கோட்பாடுகளை தெளிவுபடுத்திய அமைப்பிலேயே பின்வந்த அனைத்து முஸ்லிம்களும் நம்பிக்கை கொண்டனர்.
அதனால் தான் அஹ்லுஸ்ஸுன்னஹ் வல் ஜமாஅத்தினருக்கு அஷ்அரிய்யாக்கள், மாதுரீதிய்யாக்கள் சொல்லப்படுகிறது.

தொடரும்…

அதிபர்,உஸ்தாத் மார்கள்
ஜாமிஅதுல் ஜமாலிய்யா அறபுக்கல்லூரி
பிரதான வீதி காத்தான்குடி -06
0652245405,0760924614 

Leave Your Comments

Your email address will not be published. Required fields are marked *

Copyright @2023 All Rights Reserved by Jamiyathul Jamaliyya